En primeiro lugar queremos comezar este post agradecendo os ánimos e a axuda prestada por todas aquelas persoas que fixeron posible este proxecto. Vós ben sabedes quen sodes, algúns da escola e outros de fóra, que seguides estando moi presentes nas nosas vidas.
O pasado mércores 5 de Decembro tivo lugar unha dobre representación do noso espectáculo
O Home Almofada no Teatro principal de Ourense con grande éxito de público, dentro da actividade
Novo Teatro, novos espectadores desenvolvido pola Concellaría de Educación da cidade e coordinada por Isabel Doval Ferro, que se atopa enmarcada no programa Teatro, Cine e Escola. A sesión da mañá foi especialmente intensa, xa que a ela asistiron uns 285 alumnos procedentes de Bacharelato, ciclos formativos e grupos de teatro escolares de diversos centros de ensino ourensáns: IES Portobello, O Couto, A Carballeira e Blanco Amor e Universidade Laboral.
Algúns dos alumnos asistentes
Os alumnos mostráronse moi interesados e atentos ao longo da representación, pero durante esta semana completaremos o traballo a través da realización dunha serie de obradoiros con eles nas aulas para poder coñecer as súas imprensións e intercambiar opinións acerca da peza en particular e do teatro como forma de expresión.
Por outra banda, queremos tamén agradecer o elevado interese mostrado pola cidadanía xa que, tras o cheo do FITO axudáronnos case a encher de novo o aforo do Teatro Principal.
Promoción do espectáculo por José Lameiras
Moita saúde.
