Imaxes da función do FITO

Algunhas imaxes da función do FITO realizadas polo diario dixital Tempo de Lecer, baluarte da información cultural na nosa cidade nestes tempos de escuridade e eleccións...

Michal e Katurian

 O conto do porquiño verde

Aplauso 

Reseña da función no FITO de Ourense

Reseña no diario digital Tempo de Lecer da nosa función no Festival Internacional de Teatro de Ourense. Moitísimas grazas os que nos acompañastes onte a noite nesta tenra e trepidante historia que é O Home Almofada! Teatro Principal cheo!

"A encrucillada das tres forcas", por Katurian K. Katurian

"Un home esperta na forca de ferro onde o deixaron para que morrese de fame. Sabe que era culpable do crime polo que o meteron alí, pero non é quen de lembrar o crime cometido. Na encrucillada onde está hai outras dúas forcas; nunha delas hai una placa que na que se pode ler “violador”, e na segunda, outra placa coa lenda “asasino”. Na gaiola do violador hai un esqueleto cuberto de po; hai un vello agonizante dentro da gaiola do asasino. O noso home non pode ler a placa que hai por fóra da súa propia gaiola, así que lle pide ao vello que lla lea, para saber o que fixo. O vello mira a placa, mira ao home, e logo esbírralle na cara anoxado.  Chegan unhas monxas. Rezan polo violador morto. Danlle comer e beber ao vello asasino. Len o crime do noso home. Quedan sen alento e foxen chorando. Chega un bandoleiro. Observa ao violador sen moito interese. Mira ao vello asasino, rompe a fechadura da gaiola, e déixao ir. Acércase á gaiola do noso home, e le o seu crime. O bandoleiro, sorrí un chisco. O noso home devolve o sorriso, un chisco. O bandoleiro apunta coa pistola e atravésalle o corazón. Mentres o noso home morre, berra, “Dime tan só o que fixen!” O bandoleiro vaise sen dicirlle o que fixera. As últimas palabras do noso home foron “Irei ao inferno?” E o último son que escoita é a risa compracida do bandoleiro."

Asdo. Katurian K. Katurian    

O día 9 achégase....! Por primeira vez en Ourense!!

O día 9, ilMaquinario no FITO!

Promoción de O Home Almofada no FITO!

O HOME ALMOFADA no FITO de OURENSE!

O día 9 de Outubro ilMaquinario Teatro participará coa súa montaxe O HOME ALMOFADA no 5º Festival Internacional de Teatro de Ourense (FITO). Entre outros, compartiremos cartaz con compañías  como Granhoj Dans, Goliardos, Teatro Tascabile de Bérgamo, Malayerba, Kamikaze, Patrice Thibaud ou os galegos Inversa, Ibuprofeno, Demolicións Ferreira ou Voadora. Un pracer absoluto!